لما بتفكر تدهن شقتك أو تجدد الدهانات، أول سؤال بيجيلك في دماغك أبدأ منين وده سؤال طبيعي جداً لأن الموضوع مش بس تشيل فرشة ورولة وتبدأ. الدهان الصح محتاج تخطيط، خامات صح، وأيدي شاطرة عشان النتيجة تبقى محترمة وتعيش سنين.
أنا شايف كل يوم في شغلي إن ناس كتير بتدفع فلوس وبتتضايق من النتيجة — مش لأن الدهان غالي، لكن لأن الاختيار مكانش صح من الأول. النهارده هوضحلك كل حاجة محتاج تعرفها عن دهانات النقاشة الداخلية والخارجية ودهانات الأبواب، مع الأسعار الحقيقية لسنة 2026.
قبل ما تبدأ أي شغل دهانات — اعمل الخطوات دي الأول
أولاً: حدد اللي عايزه بالظبط
امشي في شقتك وبص كويس — إيه اللي محتاج يتغير؟ هل الدهان القديم بس محتاج وش نظافة فقط؟ ولا الحيطان فيها شروخ ورطوبة ومحتاجة تأسيس كامل من الأول؟ ده بيفرق كتير في التكلفة والوقت.
كمان لازم تحدد — هل عايز تغير الألوان ولا تفضل ان الالوان تكون زى ماهي؟ وهل كل أوضة بلون لوحدها ولا كل الشقة بلون موحد؟ لو محتاج مساعدة في كيفية اختيار الألوان المناسبة لشقتك عندنا مقال كامل بيشرح ده خطوة خطوة.
ثانياً: افحص الحيطان قبل ما تقرر
كتير من الناس بتقولي عايزين وش نظافة بس وبعدين لما بنشوف الحيطان بنلاقي رطوبة أو شروخ أو دهان قديم متقشر. الدهان على سطح مش سليم ده فلوس في الهواء. لازم تعالج المشاكل الأول.
افحص:
- هل فيه شروخ في الحيطان أو السقف؟
- هل فيه رطوبة أو بقع صفرا؟
- هل الدهان القديم بيتقشر؟
- هل الواجهة الخارجية فيها تلف بيأثر على الداخل؟
لو الإجابة بـ “آه” على أي حاجة من دول، يبقى محتاج تأسيس مش وش نظافة بس.
ثالثاً: فرّغ المكان وجهزه
قبل ما يجي الفريق:
- انقل الأثاث بعيد عن الحيطان أو غطيه بمشمع
- شيل التابلوهات والإكسسوارات من الحيطان
- غطي الأرضيات كويس خصوصاً لو فيها رخام أو باركيه او بورسلين
خدماتنا في الدهانات الداخلية والخارجية
دهانات الحوائط الداخلية
ده أكتر طلب عندنا — سواء شقق جديدة بتتشطب من الأول أو شقق قديمة محتاجة تجديد. بنشتغل في كل مناطق القاهرة الكبرى — من مدينة نصر والمعادي لحد التجمع الخامس والشيخ زايد وأكتوبر.
بنقدم:
- وش نظافة سريع للتجديد
- تأسيس نقاشة كامل للشقق الجديدة
- دهانات ديكورية وتأثيرات خاصة
- معالجة الرطوبة والشروخ قبل الدهان
دهانات الواجهات الخارجية
تشطيب واجهات العمائر والفيلات محتاج خبرة تانية خالص عن الداخلي. الواجهة بتتعرض للشمس والمطر والرطوبة طول السنة، فلازم الخامات تكون مناسبة ومقاومة للعوامل الجوية.
بنشتغل على:
- واجهات عمائر سكنية وتجارية
- واجهات فيلات وبيوت
- دهانات الاسوار
- دهانات أسطح
دهانات الأبواب والاخشاب
ده جزء بيتتجاهله ناس كتير في تجديد الشقق — بيدهنوا الحيطان ويسيبوا الأبواب على حالها والنتيجة بتبان مش متناسقة. الباب المدهون صح بيفرق في مظهر الأوضة كلها.
بنشتغل على:
- أبواب خشب داخلية وخارجية
- شبابيك
- خزاين مطبخ ودواليب
- سلالم خشبية
- أثاث محتاج دهان أو تجديد مثل غرف النوم والاطفال
أسعار الدهانات الداخلية والخارجية 2026
الأسعار دي من واقع شغل فعلي في مناطق القاهرة والجيزة:
دهانات الحوائط الداخلية:
- وش نظافة حوائط للمتر المربع: من 20 لـ 35 جنيه
- وشين نظافة حوائط: من 35 لـ 55 جنيه
- تأسيس نقاشة داخلي كامل للمتر: من 65 لـ 100 جنيه
- دهان أسقف وش نظافة: من 18 لـ 30 جنيه للمتر
- تأسيس نقاشة أسقف كامل: من 55 لـ 85 جنيه للمتر
دهانات الواجهات الخارجية:
- دهان واجهة خارجية للمتر المربع: من 45 لـ 80 جنيه
- دهان واجهة بأكريليك فاخر: من 90 لـ 140 جنيه للمتر
- معالجة شروخ وترميم قبل الدهان: من 30 لـ 60 جنيه للمتر
دهانات الأبواب والخشب:
- دهان باب خشب وجهين: من 150 لـ 350 جنيه للباب
- دهان شبابيك: من 150 لـ 250 جنيه للشباك
- دهان درجة سلم خشب: من 40 لـ 90 جنيه للدرجة
- دهان خزانة أو دولاب: من 200 لـ 500 جنيه على حسب الحجم
الأسعار بتتفاوت على حسب حالة السطح ونوع الدهان المستخدم والمنطقة. مناطق زي التجمع الخامس والشيخ زايد ممكن تكون أعلى شوية.
ليه تختار تشطيبات بلس؟
- خبرة 16 سنة في السوق المصري
- فريق متخصص في أعمال النقاشة الداخلية والخارجية
- بنستخدم أحسن الخامات اللي تناسب ميزانيتك
- بنلتزم بالمواعيد ومبنسيبش الشغل ناقص
- معاينة مجانية قبل أي شغل
- بنشتغل في القاهرة الكبرى والجيزة والمناطق المجاورة
أشهر الأخطاء اللي الناس بتعملها في الدهانات
الدهان على رطوبة: أكبر غلطة الدهان هيطلع بعد شهرين وهتعمل الشغل مرتين وبضعف التكلفة.
توفير في الخامات: الدهان الرخيص بيحتاج وشين تلاتة عشان يغطي، والنتيجة في الآخر أغلى من الدهان الكويس من الأول.
تخطي التحضير: ناس كتير بتدهن على سطح مش نضيف أو مش مجهز. النتيجة بتبان بعد أول شتا.
الاعتماد على غير المتخصصين: النقاشة شغل محتاج خبرة مش كل حد شايل فرشة يقدر يعمل شغل محترم.
اتصل بينا دلوقتي
مهما كان حجم الشغل غرفة واحدة، شقة كاملة، أو واجهة عمارة اتصل بينا على 01001211606 وهنبعتلك متخصص يعمل معاينة مجانية ويحدد تكلفة الشغل المطلوب بدون أي التزام.
تواصل مع صنايعي النقاشة حالآ
